नेपाल महिला संघ नेपाली कांग्रेसको सबैभन्दा पुरानो तथा ऐतिहासिक भ्रातृ संस्थामध्ये एक हो। नेपालको लोकतान्त्रिक आन्दोलन, महिला अधिकार, सामाजिक जागरण, राजनीतिक सहभागिता तथा समानताको संघर्षमा यस संघले महत्वपूर्ण र नेतृत्वदायी भूमिका निर्वाह गर्दै आएको छ। वि.सं. २००४ साल साउन २४ गते काठमाडौंको भेडासिङमा संस्थापक अध्यक्ष मङ्गलादेवी सिंहको नेतृत्वमा भूमिगत रूपमा स्थापना भएको नेपाल महिला संघको जन्म त्यस्तो समयमा भएको थियो, जतिबेला नेपाल राणा शासनको निरङ्कुश व्यवस्थाअन्तर्गत थियो र महिलाहरू शिक्षा, राजनीतिक अधिकार, सामाजिक स्वतन्त्रता तथा निर्णय प्रक्रियामा सहभागिताबाट ठूलो रूपमा वञ्चित थिए। महिला अधिकार र लोकतान्त्रिक चेतनालाई संगठित रूपमा अघि बढाउने उद्देश्यले स्थापना भएको यस संस्थाले नेपाली महिला आन्दोलनलाई नयाँ दिशा प्रदान गर्‍यो।
नेपाल महिला संघको स्थापना अघि नै नेपालमा महिला जागरण र सामाजिक सुधारका विभिन्न प्रयासहरू भइरहेका थिए। दिव्यादेवी कोइरालालगायतका महिलाहरूले महिला उत्थानका लागि सामाजिक गतिविधि सञ्चालन गरेका थिए। वि.सं. २००३ को विराटनगर जुटमिल आन्दोलनमा समेत महिलाहरूको सक्रिय सहभागिता रहेको थियो। यस्ता सामाजिक तथा राजनीतिक गतिविधिले महिलाहरूलाई संगठित हुँदै लोकतान्त्रिक आन्दोलनमा सहभागी हुन प्रेरित गर्‍यो।
स्थापनाकालदेखि नै नेपाल महिला संघले महिला शिक्षा, मताधिकार, राजनीतिक सहभागिता, समानता र सामाजिक न्यायका विषयलाई प्राथमिकतामा राख्दै आएको छ। राणा शासनविरुद्धको वि.सं. २००७ सालको क्रान्तिमा संघसँग आबद्ध महिलाहरूले विभिन्न भूमिकामा योगदान पुर्‍याए। त्यसपछि पञ्चायत व्यवस्थाविरुद्धको संघर्ष, वि.सं. २०४२ को सत्याग्रह, २०४६ को जनआन्दोलन तथा २०६२/६३ को लोकतान्त्रिक आन्दोलनमा पनि संघका महिला कार्यकर्ताहरू अग्रपङ्क्तिमा सहभागी भए।
सांगठनिक रूपमा नेपाल महिला संघलाई सुदृढ बनाउन विभिन्न राष्ट्रिय महाधिवेशनहरू सम्पन्न भएका छन्। मङ्गलादेवी सिंहदेखि कान्ता सिंह मानन्धर, मीना पाण्डे, उमा रेग्मी, अम्बिका बस्नेत, डा. डिला सङ्ग्रौला, उषा रावत मिश्र तथा मीनाकुमारी खरेलसम्मका नेतृत्वले संघको संगठन विस्तार र महिला अधिकारको अभियानलाई निरन्तरता दिएका छन्।
नेपाल महिला संघको मूल प्रतिबद्धता राष्ट्रियता, लोकतन्त्र, समाजवाद, समानता, समावेशिता, महिला सशक्तीकरण र विधिको शासनप्रति रहेको छ। राज्यका हरेक तह र निकायमा महिलाको समान तथा अर्थपूर्ण सहभागिता सुनिश्चित गर्दै न्यायपूर्ण, समावेशी र लोकतान्त्रिक समाज निर्माण गर्नु संघको निरन्तर अभियान हो। आज पनि नेपाल महिला संघ नेपाली महिला आन्दोलनको ऐतिहासिक विरासतलाई आत्मसात् गर्दै महिलाको राजनीतिक, सामाजिक, आर्थिक तथा संवैधानिक अधिकारको संरक्षण र सुदृढीकरणका लागि सक्रिय रूपमा कार्यरत छ।

Nepal Mahila Sangh (Nepal Women’s Association) is one of the oldest and most historic sister organizations of the Nepali Congress and has played a significant role in Nepal’s democratic movement, women’s rights movement, social transformation, and the struggle for political freedom. Established on 24 Shrawan 2004 B.S. (1947 A.D.) in Bhedasing, Kathmandu, under the leadership of its founding president Mangaladevi Singh, the organization emerged during a period when Nepal was under the Rana regime and women faced severe restrictions in education, political participation, social freedom, and access to basic rights. The founding of Nepal Mahila Sangh marked an important milestone in organizing women as a collective force for social and political change.
The organization’s roots can be traced to earlier efforts for women’s awakening and social reform. Women such as Divyadevi Koirala and others actively participated in social movements and the Biratnagar Jute Mill Movement of 2003 B.S., while women also contributed to the democratic struggle against the Rana regime. Nepal Mahila Sangh subsequently became an important platform for demanding women’s education, voting rights, political participation, equality, and social justice.
During the 2007 B.S. democratic revolution, women associated with the organization contributed to the movement through various forms of political and humanitarian support. Following the restoration of democracy, Nepal Mahila Sangh continued to advocate for women’s political representation and democratic values. Its contribution extended through the struggles against the Panchayat system, the 2042 B.S. civil disobedience movement, the 2046 B.S. People’s Movement, and the 2062/63 B.S. democratic movement.
Over the years, the organization has been strengthened through national conventions and successive leadership. Its leaders, including Mangaladevi Singh, Kanta Singh Manandhar, Meena Pandey, Uma Regmi, Ambika Basnet, Dr. Dila Sangroula, Usha Rawat Mishra, and Meena Kumari Kharel, have contributed to advancing its organizational and political mission.
Nepal Mahila Sangh remains committed to nationalism, democracy, socialism, equality, inclusion, women’s empowerment, and the rule of law. It continues to work toward ensuring meaningful and equal participation of women in political, social, economic, and state institutions and remains dedicated to building a more inclusive, just, democratic, and equitable Nepal.